ပုဂံမြို့တွင်တွေ့ရသည့် မိုးပျံဘောလုံး အပျော်စီးဝန်ဆောင်မှုလုပ်ငန်း။
ရွှေတိဂုံတော်နဲ့ ရန်ကုန်မြို့ရှုခင်းကို ဟီလီယံဓာတ်ငွေ့ဘောလုံးနဲ့ ကောင်းကင်ပေါ်ကနေ ကြည့်ရှုနိုင်မယ့် ဝန်ဆောင်မှုကိုလာမယ့် ဒီဇင်ဘာလမှာ စတင်နိုင်အောင် စီစဉ်နေတယ်လို့ Myanmar VorageInternational Tourism ကုမ္ပဏီကနေ သိရပါတယ်။
ဒီမိုးပျံဘောလုံးစီနင်းတဲ့ ၀န်ဆောင်မှုကို ကန်တော်ကြီးပန်းခြံထဲက စတုရန်းပေ ၄ဝ,ဝဝဝ ကျယ်ဝန်းတဲ့ ငါးပြတိုက်ဟောင်းနေရာမှာ အမေရိကန်ကုမ္ပဏီတစ်ခုနဲ့ ပူးပေါင်းလုပ်ကိုင်သွားမယ်လို့ သိရပါတယ်။
''ရွှေတိဂုံပေါ်ကပျံဖို့ အစီအစဉ်မရှိပါဘူး။ ရွှေတိဂုံနဲ့ တစ်ကီလိုမီတာကျော် အကွာအဝေးကနေ လုပ်မှာဆိုတော့ အထက်ပစ္စယံကို ကွက်ကွက် ကွင်းကွင် မြင်ရတယ်။ အမေရိကန်စီးပွားရေးပိတ်ဆို့မှု ဖွင့်ပြီးတဲ့ နောက်မှာ အမေရိကန်နဲ့ ပထမဦးဆုံး ဖက်စပ်ရင်းနှီးမြှုပ်နှံတာ ဖြစ်ပါတယ်''လို့ ကုမ္ပဏီတာဝန်ရှိသူက ပြောပါတယ်။
ဒီစီမံကိန်းဆောင်ရွက်ဖို့ လွန်ခဲ့တဲ့ ဧပြီလကုန်ပိုင်းက ရန်ကုန်တိုင်းဒေသကြီးအစိုးရထံ အဆိုပြုခဲ့ပြီး ဇွန်လမှာ စီမံကိန်းလုပ်ကိုင်ခွင့်ရရှိခဲ့ကာ စီမံကိန်းမြေနေရာ ငှားရမ်းခအတွက် အမေရိကန်ဒေါ်လာသိန်းချီပေးသွင်းရမယ်လို့ ဆိုပါတယ်။
Source : MMTimes
Photos : dustinmain,
