ဝခြင်း၏ အကျိုးကျေးဇူးများ
ယေဘူယျ အားဖြင့်တော့ ဝ တာဟာ မကောင်းပါဘူး။ အဝလွန်သူ တစ်ယောက်ဟာ အထိုင်အထ၊ သွားလာ လှုပ်ရှားမှုတွေ နှေးကွေး လေးလံတဲ့ အပြင် သွေးတိုး၊ နှလုံး၊ ဆီးချိုစတဲ့ နောက်ဆက်တွဲ ရောဂါတွေ ကိုပါ ဖိတ်ခေါ် နေသလို ဖြစ်နေပါတယ်။ ဒါ့အပြင် ဝတဲ့ သူတွေဟာ အဝတ်အစား ရွေးချယ်တဲ့ အခါ နဲ့ ကိုယ့်ကိုယ်ကို ဆွဲဆောင်မှု ရှိအောင် ပြင်ဆင်တဲ့ အခါတွေမှာ အခက်အခဲ ရှိကြပါတယ်။
ဒါပေမယ့် ဝ တာဟာ အမြဲတမ်း မကောင်း တာတော့ မဟုတ်ပါဘူး။ မလှုပ်နိုင် မရှားနိုင် လောက်အောင် အလွန်အကျွံ ဝ တာမျိုး မဟုတ်ဘဲ ပုံမှန် သွားလာ လှုပ်ရှားမှု ရှိသူ၊ ကိုယ်လက် လေ့ကျင့်ခန်း အသင့်အတင့် ရှိသူတွေ ကတော့ ဝ ခြင်းရဲ့ အကျိုးကျေးဇူး တွေကို ရရှိပါတယ်။ ဘယ်လို အကျိုး ကျေးဇူးတွေလဲ ဆိုရင် -
- ဝတဲ့ သူတွေဟာ သင့်တင့်တဲ့ ကြွက်သား သန်မာမှု ရှိပါတယ်။ ဘာကြောင့်လဲ ဆိုတာ ဝတဲ့သူဟာ ပိန်တဲ့သူထက် ပိုလေးတဲ့ ခန္ဓာဝန်ကို နေ့စဉ်နဲ့အမျှ သယ်ဆောင် ထားရလို့ပါ။ နေ့တိုင်း အလေးမ လေ့ကျင့် နေရသလို ဖြစ်နေတဲ့ အတွက် ဝတဲ့ သူတွေဟာ အများအားဖြင့် ပိန်တဲ့ သူထက် ပိုမို သန်မာပြီး အလေးအပင် မ နိုင်စွမ်း ရှိပါတယ်။
- ဝ တဲ့သူ တစ်ယောက်ဟာ နှလုံးနဲ့ အဆုပ်တွေ သာမန် ပိန်တဲ့လူထက် ပိုကြီးလေ့ ရှိပါတယ်။ ဒါမှသာ ခန္ဓာကိုယ် အတွက် လိုအပ်တဲ့ သွေးလည်ပတ်မှုနဲ့ အောက်ဆီဂျင်ကို များများ ပေးနိုင်မှာပါ။ (ပိန်ပေမယ့် သက်လုံ ကောင်းအောင် လေ့ကျင့်ထားတဲ့ အားကစား သမားတွေလည်း အလားတူ အခြေအနေမျိုး ပိုင်ဆိုင်နိုင် ပါတယ်)
- သင်္ဘော နစ်တဲ့အချိန်၊ အစာရေစာ ငတ်မွတ် ခေါင်းပါးတဲ့ အချိန်၊ နှင်းမုန်တိုင်း တိုက်တဲ့အချိန် စတဲ့ ကပ်ဆိုးတွေ ကြုံတဲ့အခါ ဝတဲ့ သူတွေက ပိန်တဲ့သူထက် အသက်ရှင် ကျန်ခဲ့ဖို့ အခွင့်အလမ်း ပိုများပါတယ်။
- ဝ တဲ့သူရဲ့ ခန္ဓာကိုယ်ဟာ ပင်လယ်၊ ရေကန် စတဲ့ ရေသေတွေမှာ ရေပေါ်မှာ ကြာကြာ ပိုပေါ်ပြီး ပိန်တဲ့သူထက် ရေနစ်ဖို့ အခွင့်အလမ်း ပိုနည်း ပါတယ်။ (ရေငုပ်တဲ့ အချိန်မှာတော့ ဝ တဲ့သူတွေ ဒုက္ခ ရောက်တတ် ပါတယ်)
- ဝတဲ့ သူတွေဟာ ခန္ဓာကိုယ် ထဲမှာ စွမ်းအင် အပိုတွေ အများကြီး သိုလှောင် ထားတဲ့အတွက် နာမကျန်း ဖြစ်ရင် မြန်မြန် နလန်ပြန်ထ ပါတယ်။ ကင်ဆာနဲ့ အလား သဏ္ဍာန် တူတဲ့ တစ်ချို့ ရောဂါတွေ ဆိုရင် ဝရာကနေ ပိန်သွားမှ လက္ခဏာ စပြတတ် ပါတယ်။
- ဝတဲ့ သူတွေဟာ ယာဉ်တိုက်မှုလို တစ်စုံ တစ်ခုက အရှိန် ခပ်ပြင်းပြင်းနဲ့ ဝင်တိုက်မိတဲ့ ဖြစ်ရပ်တွေမှာ ပိန်တဲ့ သူတွေထက် ထိခိုက် ဒဏ်ရာ ရရှိမှု ပိုနည်းပါတယ်။
- ဝ တဲ့ သူတွေဟာ စက်ဘီး၊ ဆိုင်ကယ်၊ စကိတ်တို့လို ဟန်ချက် ထိန်းရတဲ့ ပစ္စည်းတွေ စီးနင်းရာမှာ ပိုမို လွယ်ကူသလို နပမ်းလို တွန်းတိုက် ကစားရတဲ့ အားကစား နည်းတွေ မှာလည်း အားသာပါတယ်။ ရေစီးသန်တဲ့ မြစ်ကို ဖြတ်ကူးတာမျိုး၊ လေပြင်းတိုက်တဲ့ အချိန်မှာ လမ်းလျှောက် တာမျိုးတွေကို ဝတဲ့သူတွေက ပိုလုပ်နိုင်ပါတယ်။
- ဝတဲ့ သူတွေဟာ အိပ်ယာပေါ် မှာလည်း သာမန် ပိန်တဲ့ သူတွေထက် ပိုစွမ်းပါတယ်။ ပျမ်းမျှ အားဖြင့် ဝတဲ့ အမျိုးသားတွေဟာ ပိန်တဲ့သူထက် ၇ ဒသမ ၃ မိနစ်ခန့် ချစ်တင်းနှောချိန် ပိုကြာအောင် ထိန်းထား နိူင်ပါတယ်။
ဥရောပမှာ လွန်ခဲ့တဲ့ နှစ်တစ်ရာ လောက်က ဆိုရင် ဝတဲ့ သူတွေကို ကျန်းမာပြီး ချမ်းသာ ကြွယ်ဝတဲ့ သူတွေ အဖြစ် ယူဆကြပါတယ်။ အမျိုးသမီး တွေဟာ သူတို့ရဲ့ အားကိုးလောက်ဖွယ် အိမ်ထောင်ဖက်ကို ရွေးချယ်ရာမှာ ဝတဲ့ သူတွေကို ဦးစားပေး ရွေးချယ် ကြပါတယ်။
Credit to Ko Zin Thaw Naing
